ମିସ୍ ୟୁନିଭର୍ସ ହରନାଜଙ୍କୁ ମିଳିବ ବର୍ଷକ ପାଇଁ ଏହି ସବୁ ସୁବିଧା

ମିସ୍ ୟୁନିଭର୍ସ ହରନାଜଙ୍କୁ ମିଳିବ ବର୍ଷକ ପାଇଁ ଏହି ସବୁ ସୁବିଧା


ମେଟ୍ରୋ ଟିଭି ବ୍ୟୁରୋ,୧୪/୧୨ ; ଦୀର୍ଘ ୨୧ ବର୍ଷ ପରେ ଭାରତ ଜିତିଛି ବ୍ରହ୍ମାଣ୍ଡ ସୁନ୍ଦରୀ । ସମସ୍ତଙ୍କୁ ପଛରେ ପକାଇ ବ୍ରହ୍ମାଣ୍ଡ ସୁନ୍ଦରୀ ମୁକୁଟ ପିନ୍ଧିଛନ୍ତି ଭାରତର ୨୧ ବର୍ଷିୟା ହରନାଜ ସନ୍ଧୁ । ମୁଣ୍ଡରେ ତାଙ୍କର ଶୋଭା ପାଉଛି ୩୮ କୋଟି ମୂଲ୍ୟର ହିରା ମୁକୁଟ । ଏହି ମୁକୁଟ ପ୍ରକୃତି, ଶକ୍ତି, ସୌନ୍ଦର୍ଯ୍ୟ, ନାରୀତ୍ୱ ଓ ଏକତାର ପ୍ରତୀକ । ଏହା ୧୮ କ୍ୟାରେଟ ସୁନାରେ ନିର୍ମିତ । ଏଥିରେ ଲାଗିଛି ୧୭୭୦ ଟି ହିରା । ମୁକୁଟରେ ଲାଗିଥିବା ପତ୍ରର ଡିଜାଇନ୍ ସାତଟି ମହାଦ୍ୱୀପର ପ୍ରତୀକ ।
ଯଦିଓ ମିସ୍ ୟୁନିଭର୍ସ ଅର୍ଗାନାଇଜେସନ୍ କେବେବି ବିଜେତାଙ୍କୁ ମିଳୁଥିବା ଅର୍ଥର ଖୁଲାସା କରିନାହିଁ, କିନ୍ତୁ ପୁରସ୍କାର ଲକ୍ଷଲକ୍ଷ ଟଙ୍କାରେ ମିଳେ । ମିସ୍ ୟୁନିଭର୍ସଙ୍କୁ ନ୍ୟୁୟର୍କସ୍ଥିତ ମିସ୍ ୟୁନିଭର୍ସ ଅପାର୍ଟମେଣ୍ଟରେ ଗୋଟିଏ ବର୍ଷ ପାଇଁ ରହିବାକୁ ସୁଯୋଗ ମିଳିଥାଏ । ଏଠାରେ ସେ ଏକ ବର୍ଣ୍ଣାଢ୍ୟ ଘରେ ମିସ୍ ୟୁଏଏସଏଙ୍କ ସହ ସମୟ ବିତାଇବାର ସୁଯୋଗ ପାଇଥାନ୍ତି । ଏହି ସମୟରେ ତାଙ୍କର ସବୁ ଖର୍ଚ୍ଚ ମିସ୍ ୟୁନିଭର୍ସ ଅର୍ଗାନାଇଜେସନ୍ ବହନ କରିଥାଏ ।
ବ୍ରହ୍ମାଣ୍ଡ ସୁନ୍ଦରୀ ବିଜୟିନୀଙ୍କୁ ଆସିଷ୍ଟାଣ୍ଟ ଓ ମେକଅପ୍ ଆର୍ଟିଷ୍ଟର ଏକ ଟିମ୍ ଦିଆଯାଏ । ବର୍ଷକ ପାଇଁ ମେକଅପ୍, କେଶସଜ୍ଜା ଡିଜାଇନର, ଜୋତା, ପୋଷାକ, ଗହଣା ସ୍କିନକେୟାର ସବୁ କିଛି ମାଗଣା ଯୋଗାଇଦିଆଯାଏ । ତାଙ୍କୁ ମଡେଲିଙ୍ଗ ପାଇଁ ସୁଯୋଗ ଦିଆଯାଏ । ଏଥିପାଇଁ ତାଙ୍କୁ ଜଣେ ଦକ୍ଷ ଫଟୋଗ୍ରାଫର ଯୋଗାଇଦିଆଯାଏ । ଏହାସହ ତାଙ୍କ ପାଇଁ ମାଗଣା ଡାକ୍ତରୀ ସୁବିଧା ମଧ୍ୟ ଯୋଗାଇଦିଆଯାଏ । ଏହା ସହ ବର୍ଷକ ପାଇଁ ପୁରା ଦୁନିଆ ବୁଲିବା, ଦାମୀ ହୋଟେଲରେ ରହଣୀ, ଖାଇବାର ସମସ୍ତ ଖର୍ଚ୍ଚ ବହନ କରେ ମିସ୍ ୟୁନିଭର୍ସ ଅର୍ଗାନାଇଜେସନ୍ ।

Leave a Reply

%d bloggers like this: