ଫୋବର୍ସ ତାଲିକାରେ ନଂ୧ ରେ ରଶ୍ମିକା

ଫୋବର୍ସ ତାଲିକାରେ ନଂ୧ ରେ ରଶ୍ମିକା


ସମସ୍ତ ରଶ୍ମିକା ମନ୍ଦନାଙ୍କ ପ୍ରଶଂସକ ଏବଂ ଅନୁଗାମୀମାନଙ୍କ ପାଇଁ ଏକ ଖୁସି ଖବର, ଅଭିନେତ୍ରୀ ଫୋର୍ବସ୍ ଇଣ୍ଡିଆର ସବୁଠାରୁ ପ୍ରଭାବଶାଳୀ ଅଭିନେତ୍ରୀ ତାଲିକାରେ ଶୀର୍ଷରେ ଅଛନ୍ତି ଜ୍ଝ ରଶ୍ମିକା ମନ୍ଦାନା, ଦକ୍ଷିଣ ଭାରତୀୟ ଦର୍ଶକଙ୍କର ସବୁଠାରୁ ପ୍ରିୟ ଅଭିନେତ୍ରୀ। ଏହି କିଛି ଦିନ ମଧ୍ୟରେ ରଶ୍ମିକା ନିଜର ଏକ ବଡ଼ ଫ୍ୟାନ୍ ବେସ୍ ତିଆରି କରିସାରିଲେଣି । ନିଜ ଚମତ୍କାର ଅଭିନୟ ଯୋଗୁ ଏବେ ଧୀରେ ଧୀରେ ସମସ୍ତଙ୍କ ପ୍ରଥମ ପସନ୍ଦ ପାଲଟିଛନ୍ତି ଏହି ସୁନ୍ଦରୀ। ବଲିଉଡ୍‌ରେ ଏଣ୍ଟ୍ରି କରିବା ପରେ ଏବେ ପୂରା ଦେଶର ଲୋକ ତାଙ୍କୁ ଚିହ୍ନିଲେଣି। ତେବେ ଫୋବର୍ସ ଇଣ୍ଡିଆ ପକ୍ଷରୁ କରାଯାଇଥିବା ସବୁଠାରୁ ପ୍ରଭାବଶାଳୀ ଅଭିନେତ୍ରୀଙ୍କ ତାଲିକାରେ ରଶ୍ମିକା ସବୁଠୁ ଶୀର୍ଷରେ ଅଛନ୍ତି । ସେ ସାମନ୍ଥା, ବିଜୟ ଦେବରକୋଣ୍ଡା ଓ ୟଶ ପ୍ରମୁଖ ବଡ଼ ବଡ଼ କଳାକାରଙ୍କୁ ବି ପଛରେ ପକାଇ ଦେଇଛନ୍ତି।
ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି ବିଜୟ ଦେବରକୋଣ୍ଡା। ବିଜୟ ନିଜ ଫିଲ୍ମ ପେଲୀ ଚୋପୁଲୁ ଓ ଅର୍ଜୁନ ରେଡ୍ଡି ଯୋଗୁ ଲୋକପ୍ରିୟତା ହାସଲ କରିଛନ୍ତି। ତାଙ୍କ ପରେ ରହିଛନ୍ତି କନ୍ନଡ଼ର ସବୁଠାରୁ ହ୍ୟାଣ୍ଡ୍‌ସମ୍ ହଙ୍କ୍ ୟଶ। ଏହି ତାଲିକାରେ ତାଙ୍କ ପରେ ଚତୁର୍ଥ ସ୍ଥାନରେ ଅଛନ୍ତି ସାମନ୍ଥା ରୁଥ ପ୍ରଭୁ। ତାଙ୍କ ପରେ ଅଛନ୍ତି ଅଲ୍ଲୁ ଅର୍ଜୁନ।
ନିଜ ସୋସିଆଲ ମିଡିଆ ପେଜ୍‌ରେ ଫଲୋୟର୍ସ ସଂଖ୍ୟାରେ ଆଶାତୀତ ବୃଦ୍ଧି ହୋଇଥିବାରୁ ରଶ୍ମିକା ମନ୍ଦାନା ସବୁଠୁ ପ୍ରଭାବଶାଳୀ ଅଭିନେତ୍ରୀ ତାଲିକାରେ ଶୀର୍ଷ ସ୍ଥାନରେ ଅଛନ୍ତି। ରଶ୍ମିକା ମନ୍ଦାନାଙ୍କ ଫଲୋୟର୍ସ ସଂଖ୍ୟା ଏତେ ବଢ଼ିଯିବ ବୋଲି ସେ ନିଜେ ବି କେବେ ଆଶା କରିନଥିଲେ। କିନ୍ତୁ ତାଙ୍କ ଲୁକ୍‌, ଷ୍ଟାଇଲ୍ ସବୁ କିଛି ଦର୍ଶକଙ୍କୁ ଖୁବ୍ ପସନ୍ଦ ଆସିଛି। ଏଣୁ ତାଙ୍କ ସୋସିଆଲ ମିଡିଆକୁ ଲୋକେ ଫଲୋ କରିବା ଆରମ୍ଭ କରିଛନ୍ତି। ଫଳରେ ଏବେ ଫୋବର୍ସ ଇଣ୍ଡିଆର ସବୁଠୁ ପ୍ରଭାବଶାଳୀ ଅଭିନେତ୍ରୀ ପାଲଟିଛନ୍ତି ରଶ୍ମିକା।

Leave a Reply

%d bloggers like this: