କେରଳ , ଦିଲ୍ଲୀ ସମେତ ରାଜ୍ୟର ବହୁ ସ୍ଥାନରେ ବର୍ଷା , ହାଇ ଆଲର୍ଟ ଜାରି

କେରଳ , ଦିଲ୍ଲୀ ସମେତ ରାଜ୍ୟର ବହୁ ସ୍ଥାନରେ ବର୍ଷା , ହାଇ ଆଲର୍ଟ ଜାରି


ମେଟ୍ରୋ ଟିଭି ବ୍ୟୁରୋ, ୧୭/୧୦: ଦେଶର ଦକ୍ଷିଣାଞ୍ଚଳ କେରଳରେ ପ୍ରବଳ ବୃଷ୍ଟିପାତ ଯୋଗୁଁ ଭୂସ୍ଖଳ ଏବଂ ଆକସ୍ମିକ ବନ୍ୟା ଯୋଗୁଁ ବହୁ ଧନ ଜୀବନ ନଷ୍ଟ ହେଇଛି । ଆଜି ଦିଲ୍ଲୀ ସମେତ ଜାତୀୟ ବହୁ ଅଞ୍ଚଳରେ ପ୍ରବଳ ବର୍ଷା ହୋଇଛି। ଏହା ବ୍ୟତିରେକେ, ଉତ୍ତରାଖଣ୍ଡ, ପଶ୍ଚିମ ଉତ୍ତରପ୍ରଦେଶ ଏବଂ ପଞ୍ଜାବ ଆଦି ପ୍ରଦେଶର କେତେକ ଅଞ୍ଚଳରେ ଭୀଷଣ ବର୍ଷା ହେବାର ସମ୍ଭାବନା ଥିବା କହି ପାଣିପାଗ ବିଭାଗ ‘ରେଡ୍’ ଓ ‘ଅରେଞ୍ଜ୍’ ଆଲର୍ଟ ଜାରି କରିଛି।
ଆଜି ସକାଳେ କେରଳର କୋଟ୍ଟାୟାମ୍ ଜିଲ୍ଲା ଅନ୍ତର୍ଗତ କୂଟ୍ଟୀକାଲ ଓ କୋକ୍କୟାର୍ ଜିଲ୍ଲାରେ ସେନାବାହିନୀ, ‘ଏନ୍ଡିଆର୍ଏଫ୍’, ପୁଲିସ ଓ ଅଗ୍ନିଶମ ବିଭାଗ ସହ ସ୍ଥାନୀୟ ବାସିନ୍ଦାମାନେ ଉଦ୍ଧାର ଅଭିଯାନରେ ଲାଗିଛନ୍ତି। ମୁଷଳଧାରାରେ ବର୍ଷା ହେବାରୁ ସେଠାରେ ଭୂସ୍ଖଳନ ହୋଇ ଅନେକ ଲୋକ ନିଖୋଜ ହୋଇଥିବା ଖବର ମିଳିଛି। ଘଟଣାସ୍ଥଳରୁ ଆଜି ଉଦ୍ଧାରକାରୀମାନେ ୩ଟି ଅଚିହ୍ନା ଶବ ଉଦ୍ଧାର କରିଛନ୍ତି। ଏହାକୁ ମିଶାଇ କେରଳରେ ବର୍ଷା ଓ ବନ୍ୟାଜନିତ ମୃତ୍ୟୁ ସଂଖ୍ୟା ୧୧କୁ ବୃଦ୍ଧି ପାଇଥିବା ସରକାରୀ ଭାବେ କୁହାଯାଉଛି।
ଆଜି ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ, ଭୀଷଣ ବର୍ଷା ଏବଂ ବନ୍ୟା ପ୍ଳାବିତ କେରଳର ପରିସ୍ଥିତି ଉପରେ ଆମେ ନିରବଚ୍ଛିନ୍ନ ଭାବେ ନଜର ରଖିଛୁ। ସହାୟତା ଲୋଡୁଥିବା ଜନସାଧାରଣଙ୍କୁ କେନ୍ଦ୍ର ସରକାର ସମସ୍ତ ସମ୍ଭାବ୍ୟ ସାହାଯ୍ୟ ଯୋଗାଇ ଦେବେ। ଉଦ୍ଧାର କାର‌୍ୟ୍ୟରେ ସହାୟତା ପାଇଁ ‘ଏନ୍ଡିଆର୍ଏଫ୍’ ଟିମ୍ ପଠାସରିଛି। ସମସ୍ତଙ୍କ ସୁରକ୍ଷା ପାଇଁ ପ୍ରାର୍ଥନା କରୁଛି।

Leave a Reply

%d bloggers like this: